娥姐粉果

真系娥姐粉果,好睇又好食。喺茶楼饮茶,有个阿婆赞啲嘢好味。阿婆,我哋冇点粉果喔,你点知好食呢?个孙仔唔解。 阿婆话,呢句系一句广州话嘅俗语。原来,旧阵时嘅西关,传说......

  “真系娥姐粉果,好睇又好食。”喺茶楼饮茶,有个阿婆赞啲嘢好味。“阿婆,我哋冇点粉果喔,你点知好食呢?”个孙仔唔解。

  阿婆话,呢句系一句广州话嘅俗语。原来,旧阵时嘅西关,传说有间小食店,里边嘅点心师娥姐专门整粉果,佢本人样子生得靓,整出来嘅粉果食过返寻味,所以街坊口口相传,成咗一句俗语,用来形容啲美食唔单只卖相好,而且好味。翻查下资料,原来喺广州话里边,居然有唔少呢类嘅俗话。譬如“桂姐卖布,一匹还一匹”。据说,桂姐以前喺广州嘅街口卖布,生意太旺,好多人来拣布卖,佢不得不话俾啲客人知:唔好搞乱晒,要一匹还一匹咁卖。加阵,呢句话就形容账目清晰,数还数。仲有,“亚均卖大头鱼,好噏唔噏。”主人公系卖鱼佬亚均。据说,有客人嫌佢嘅鱼唔够新鲜,结果客人走咗之后,条鱼先至噏噏嘴,激到亚均扎扎跳。如今,呢句俗语引申为口没遮拦,唔应该讲嘅嘢都乱讲。

  呢类俗语,背后都有古仔。难得嘅系,呢啲古仔仲代代相传,唔单只传达某种难以言传嘅意味,主人公嘅形象到加阵仲活灵活现,好似就系我哋门口嘅小商贩咁。从另一个侧面,呢类俗语浓浓嘅“街市味”,亦证明咗广州作为千年商都,悠久、开放嘅商贸传统。

上一篇:粉果:娥姐老字号(图) 下一篇:大同酒家重新开业!回忆中的老字号味道又回来了

水果沙拉

怎么吃中秋月饼?中秋月饼的健康吃法
浙菜——蒜味包菜
豆腐干的制作方法
十分钟快手佳肴
中国菜推荐:一品蒸豆腐
中国饮食:冬瓜火腿煲老鸭的做法